QIZILQUM MADANIYAT UYI TOMOSHALAR ZALINING HOLATI O‘RGANILDI

Xalq deputatlari Uchquduq tuman Kengashi deputati M.Ravshanova hamda Kengash kotibiyati mudiri M.Kamolovalar tomonidan Uchquduq tumanidagi Qizilqum madaniyat uyining tomoshalar zali holati o‘rganildi.
O‘rganish davomida madaniyat uyining tomoshalar zalidagi mavjud sharoitlar, binoning saqlanish holati hamda kuz-qish mavsumiga tayyorgarlik masalalariga alohida e’tibor qaratildi.

Jumladan, sovuq mavsumda tomoshabinlar va madaniyat sohasi xodimlari uchun qulay sharoit yaratish, zalning isitish tizimi, haroratni me’yorida saqlash imkoniyatlari hamda zarur sharoitlarni yaxshilash masalalari ko‘zdan kechirildi.

O‘rganish yakunida aniqlangan kamchiliklarni bartaraf etish, mavjud muammolarni hal qilish va madaniyat uyida kuz-qish mavsumini betalafot hamda samarali o‘tkazish yuzasidan tegishli taklif va tavsiyalar ishlab chiqishga e’tibor qaratildi.

Maqsad — madaniyat muassasalarida munosib sharoit yaratish, aholi uchun madaniy xizmatlar sifatini oshirish hamda kuz-qish mavsumiga puxta tayyorgarlik ko‘rish.