“G‘ALABA” MAHALLASIDA JAMOAT XAVFSIZLIGINI TA’MINLASH VA JINOYATCHILIKNING OLDINI OLISH CHORALARI KUCHAYTIRILMOQDA

📍 Olmazor tumani “G‘alaba” mahallasida faoliyat olib borayotgan katta profilaktika inspektori, katta leytenant U. Bekyazov tomonidan amalga oshirilgan ishlar yuzasidan tegishli saylov okrugi deputatiga hisobot berildi.

📌 Hisobot davomida mahallada jamoat xavfsizligini ta’minlash, oilaviy nizolarning oldini olish hamda jinoyatchilikni kamaytirish borasida amalga oshirilgan ishlar haqida ma’lumot berildi.

🔹 Xususan, oilaviy nizolar kuzatiladigan 4 ta xonadonga qo‘riqlash pultlari o‘rnatilib, mehmonxonalar va kompyuter xonalari ham mazkur tizimga ulangan.

🔹 Mahalla raisi bilan hamkorlikda yolg‘iz yashovchi keksalarning holidan muntazam xabar olinmoqda.

🔹 Shuningdek, 57- va 58-ko‘p qavatli uylarning kirish qismlariga kuzatuv kameralari o‘rnatildi. Mahalla hududida jami 15 ta kuzatuv kamerasi, jumladan, 3 ta PTZ rusumidagi kamera ishga tushirildi.

📊 Ko‘rilgan profilaktik chora-tadbirlar natijasida mahallada jinoyatchilik holatlari sezilarli darajada kamaygani qayd etildi.

✅ Mazkur hisobot jamoat xavfsizligini mustahkamlash, fuqarolar osoyishtaligini ta’minlash va mahallada huquqbuzarliklarning oldini olish borasidagi ishlar samaradorligini oshirishda muhim ahamiyat kasb etadi.