#162_qonun

Xalq deputatlari Payariq tumani Kengashining 5-Samarqand saylov okrugidan saylangan deputati S.Kasimova Tohirshayx mahallasida xotin-qizlar bilan suhbat o‘tkazib, ularning huquq va manfaatlarini himoya qilish, jamiyatda teng imkoniyatlarni ta’minlash hamda xotin-qizlarning ijtimoiy faolligini oshirish masalalariga e’tibor qaratdi.

Ushbu yo‘nalishda 2019-yil 2-sentabrda qabul qilingan O‘zbekiston Respublikasining O‘RQ-562-sonli “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonunining mazmun-mohiyati tushuntirildi.

Suhbat davomida qonunda belgilangan teng huquq va imkoniyatlar, xotin-qizlarning ta’lim olishi, mehnat qilishi hamda jamiyat hayotida faol ishtirok etishi uchun yaratilgan huquqiy kafolatlar haqida ma’lumot berildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|