Deputatlar diqqat markazida: "Yoshlik" MFYda obodonlashtirish ishlari qat'iy nazoratga olindi

Xalq deputatlari Uzun tumani Kengashining faol deputatlari hududlarda aholi uchun qulay va toza muhit yaratilishini ta'minlash maqsadida "Yoshlik" MFYda bo‘lib, obodonlashtirish ishlarini bevosita ko‘zdan kechirdilar.

Xalq vakillari tomonidan o‘rganishlar davomida quyidagilarga alohida e'tibor qaratildi:

Tozalik va tartib: Mahalla ko‘chalarining doimiy ozodaligi, chiqindilarning o‘z vaqtida olib chiqib ketilishi va sanitariya qoidalariga rioya etilishi deputatlar nazoratidan o‘tkazildi.

Obodonlashtirish ishlari: Ko‘cha yoqalari va hovlilar atrofidagi daraxtlarning tartibli oqlangani, ular va yashil hududlarga qanday qarab kelinayotgani ko‘zdan kechirildi.

Aholi bilan bevosita muloqot: Deputatlar mahalliy aholi va nuroniylar bilan dildan suhbatlashib, ularni qiynayotgan masalalar hamda takliflarni tingladilar.