Xalq deputatlari Arnasoy tuman Kengashi raisi B. Bayanasov, tuman Kengashi deputatlari O. Musanov hamda E. Rajabov tomonidan Yangibo‘ston mahalla fuqarolar yig‘inida yoshlar o‘rtasida sportni yanada rivojlantirish va ularning bo‘sh vaqtini mazmunli tashkil etish maqsadida bolalar uchun sport maydonchasi qurilishi rejalashtirilgan hudud ko‘zdan kechirildi.

O‘rganish davomida sport maydonchasi barpo etilishi mo‘ljallangan joyning mavjud holati bilan tanishildi. Mazkur tashabbusning mahalladagi bolalar va yoshlarning sport bilan muntazam shug‘ullanishlari, jismoniy faolligini oshirish hamda sog‘lom turmush tarzini keng targ‘ib etishdagi ahamiyatiga e’tibor qaratildi.

Mahallalarda bolalar uchun sport bilan shug‘ullanishga qulay sharoitlar yaratish yosh avlodning salomatligini mustahkamlash, sportga bo‘lgan qiziqishini oshirish va bo‘sh vaqtini mazmunli tashkil etishga xizmat qiladi. Shu jihatdan, sport maydonchasi qurilishi rejalashtirilgan hududni o‘rganish kelgusidagi ishlarni tashkil etishda muhim ahamiyatga ega.