🛣 TASHABBUSLI BYUDJET G‘OLIBI: TENGALI QISHLOG‘I YO‘LLARI ASFALTLANMOQDA

Xalq deputatlari tuman Kengashi deputati Zokir Suvonov tashabbusi bilan "Bunyodkor" MFY tarkibidagi Tengali qishlog‘ining umumiy uzunligi 3000 metr (3 km) bo‘lgan ichki yo‘lini asfaltlash loyihasi “Tashabbusli byudjet” jarayonida g‘olib deb topildi.
Mazkur yo‘lni ta’mirlash ishlari uchun tuman Kengashining tegishli qarori bilan 1 647 801 771 so‘m mablag‘ ajratilishi tasdiqlandi.
Bu loyiha aholi uchun qanday qulayliklar yaratadi?
Hudud aholisining kunlik qulay va xavfsiz harakatlanishi ta’minlanadi.
Qishloqdagi maktab, bog‘cha hamda tibbiyot muassasalariga borish sezilarli darajada yengillashadi.
Deputatlarimiz xalq ovozi va tashabbuslarini qo‘llab-quvvatlash orqali hududlar infratuzilmasini yaxshilashda faol ishtirok etishda davom etmoqda.