#Haftalik_ish_reja_ijrosi
#Oylik_Ish_reja_ijrosi
19¹-modda
📌 DEPUTATLIK SO‘ROVI YUBORILDI

Xalq deputatlari Sherobod tumani Kengashining 2-Zarabog‘ saylov okrugi deputati X. Xojidinov tomonidan Qizilolma mahallasida deputatlik nazorati olib borildi.

O‘rganish davomida Qizilolma mahallasining Qizilolma qishlog‘iga olib boruvchi avtomobil yo‘li ta’mirtalab holatga kelib qolgani aniqlandi. Mazkur holat aholi uchun kundalik harakatlanishda qiyinchiliklar tug‘dirayotgani sababli, ushbu yo‘lni asfaltlash masalasi yuzasidan Sherobod tumani Obodonlashtirish boshqarmasi boshlig‘ining birinchi o‘rinbosari O. Yodgorovga deputatlik so‘rovi yuborildi.

Deputatlik so‘rovida yo‘l holatini o‘rganish, mavjud muammoni ijobiy hal etish yuzasidan amaliy yordam ko‘rsatish hamda masala bo‘yicha asoslantirilgan ma’lumot taqdim etish so‘raldi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube