Xalq deputatlari Qo‘qon shahar Kengashiga 14-“Degrizlik” saylov okrugidan saylangan deputat O.Bozarov tomonidan “Degrizlik” mahalla fuqarolar yig‘inida mahalla raisi A.Sodirov hamda O‘zbekiston Ekologik partiyasi Qo‘qon shahar Kengashi raisi A.Akbarov ishtirokida o‘rganish ishlari olib borildi.

O‘rganish davomida mahalla hududida joylashgan bo‘sh yer maydonidan samarali foydalanish, hududda tadbirkorlikni rivojlantirish va yangi imkoniyatlar yaratish masalalari muhokama qilindi.

️Mahalla raisi tomonidan mazkur bo‘sh yer maydonida yengil tipdagi bino qurish hamda undan mahalliy hunarmandlar va tadbirkorlar faoliyatini yo‘lga qo‘yish maqsadida foydalanish taklifi bildirildi. Ushbu tashabbus mahallada tadbirkorlik muhitini kengaytirish, hunarmandchilikni rivojlantirish va aholi uchun qo‘shimcha iqtisodiy imkoniyatlar yaratish nuqtayi nazaridan ko‘rib chiqildi.

Muhokama davomida taklifni amalga oshirish imkoniyatlari, yer maydonidan foydalanishning belgilangan tartib va talablarga muvofiqligi hamda masalaning huquqiy jihatlarini o‘rganish zarurligi ta’kidlandi.

Mazkur taklifni qonuniylik nuqtayi nazaridan atroflicha o‘rganib chiqish, yer maydonining huquqiy maqomini aniqlash va amaldagi qonunchilik talablaridan kelib chiqib tegishli xulosaga kelish yuzasidan fikr almashildi.

Xalq deputatlari Qo‘qon shahar Kengashi