“Davlat tili to‘g‘risida”gi Qonun talablari ijrosi o‘rganildi

Xalq deputatlari Pastdarg‘om tumani Kengashi deputati tomonidan tuman Kadastr agentligi bo‘limida O‘zbekiston Respublikasining “Davlat tili to‘g‘risida”gi Qonuni talablariga rioya etilishi hamda ish yuritish holati o‘rganildi.

📌O‘rganish davomida bo‘limda ish yuritish hujjatlarining davlat tilida rasmiylashtirilishi, kirish-chiqish hujjatlari, buyruq va boshqa xizmat hujjatlarining davlat tilida yuritilishi holatiga e’tibor qaratildi.

✅ Shuningdek, davlat tilining ish jarayonlarida amaliy qo‘llanilishi, rasmiy yozishmalarda adabiy til me’yorlariga rioya etilishi yuzasidan mavjud holat ko‘zdan kechirildi.

🤝 Aniqlangan masalalar yuzasidan mas’ullarga tegishli tavsiya va takliflar berilib, “Davlat tili to‘g‘risida”gi Qonun talablariga rioya etishni yanada takomillashtirish bo‘yicha fikrlar bildirildi.