Қизилёзи маҳалласида тиббий хизматга оид мурожаатлар юзасидан депутатлик сўрови юборилди

Халқ депутатлари Янгиқўрғон тумани Кенгашининг 4-Мамай сайлов округидаги Қизилёзи маҳалласи аҳолисига тиббий хизмат кўрсатиш билан боғлиқ муаммолар юзасидан депутатлик сўрови юборилди.
Мурожаатларда 2026 йил июль ойидан буён маҳалладаги оилавий шифокорлик пунктида тиббий хизмат кўрсатилмаётгани, ҳудуд аҳолисига патронаж ҳамширалари бириктирилмагани ҳамда фуқароларни тиббий базага киритишда сансалорликларга йўл қўйилаётгани билдирилган.
↗️ Депутатлик сўровида масъуллардан:
✔️ оилавий шифокорлик пункти фаолиятини атрофлича ўрганиш ва тўлақонли фаолиятини тиклаш;
✔️ ҳудуд аҳолисига патронаж ҳамшираларини бириктириш;
✔️ фуқароларни тиббий базага киритишдаги муаммоларни бартараф этиш;
✔️ камчиликларнинг келиб чиқиш сабабларини аниқлаш ва масъул ходимлар фаолиятига белгиланган тартибда баҳо бериш;
✔️ аҳолига узлуксиз, сифатли ва ўз вақтида тиббий хизмат кўрсатилишини таъминлаш сўралди.

✉️ Кўрилган чоралар ва муаммолар ечими юзасидан асосланган ёзма жавоб тақдим этиш талаб қилинди.