Aholiga sifatli dori-darmon vositalarini yetkazib berish hamda tushumlarni nazorat qilish masalalari yuzasidan amalga oshirilgan ishlar.

✅Aholiga sifatli, xavfsiz va belgilangan standartlarga javob beradigan dori-darmon vositalarini yetkazib berish, shuningdek, ularning savdosi va tushumlari ustidan tizimli nazoratni ta’minlash masalalari yuzasidan tegishli o‘rganish ishlari olib borildi.

✅Mazkur yo‘nalishda Bandixon tumani Kengashi deputati G.Xolmatova hamda tumani Kengashi kotibiyati bosh mutaxassisi B.Qurbonovlar joyiga chiqib nazorat tadbirlari amalga oshirildi.

✅O‘rganish jarayonida hududdagi dorixonalarda mavjud dori vositalarining sifati, ularning saqlanish sharoitlari, amal qilish muddati, shuningdek, narx-navo siyosatiga rioya etilishi holatlari atroflicha ko‘zdan kechirildi.

✅Shu bilan birga, dori vositalarining realizatsiyasidan tushayotgan mablag‘larning hisobini yuritish, belgilangan tartibda rasmiylashtirilishi hamda moliyaviy intizomga rioya etilishi masalalariga alohida e’tibor qaratildi. Aniqlangan kamchiliklar yuzasidan tegishli tavsiyalar berilib, ularni bartaraf etish bo‘yicha mas’ullarga ko‘rsatmalar berildi.

✅Mazkur nazorat tadbirlari aholining dori-darmon vositalariga bo‘lgan ishonchini oshirish, noqonuniy savdo holatlarining oldini olish hamda tizimda ochiqlik va shaffoflikni ta’minlashga xizmat qiladi.