Xalq deputatlari Uchquduq tuman Kengashi deputati M. Kamolova tomonidan “Altintau” OFY hududidagi 1-sonli umumiy o‘rta ta’lim maktabida o‘quvchilarning darsliklar va badiiy adabiyotlar bilan ta’minlanganlik holati o‘rganilib, aniqlangan muammolar yuzasidan deputat so‘rovi yuborilgan edi.

Mazkur deputat so‘roviga Uchquduq tumani Maktabgacha va maktab ta’limi bo‘limi tomonidan rasmiy javob taqdim etildi.
Javob xatida qayd etilishicha, maktabda o‘zbek tili va texnologiya fanlari darsliklari yetishmasligi bartaraf etilib, o‘quvchilar ushbu darsliklar bilan to‘liq ta’minlangan.
Shuningdek, mahalliy budjet mablag‘lari hisobidan 45 million 678 ming so‘m evaziga qozoq tilidagi 662 nomdagi badiiy adabiyotlar xarid qilinib, taqsimot asosida maktab kutubxonasiga yetkazib berilgan.

✅ Mazkur holat deputatlik so‘rovi orqali ta’lim muassasasidagi mavjud muammolarni aniqlash va ularni bartaraf etish bo‘yicha amaliy choralar ko‘rilganini ko‘rsatadi.