Xalq deputatlari Bag‘dod tumani Kengashining 11-“Chekmirzaobod” saylov okrugi deputati A.Sirojiddinovning tashabbusi va bevosita ko‘magi bilan “Chekmirzaobod” mahalla fuqarolar yig‘inida yashovchi, ijtimoiy himoyaga muhtoj fuqaro uchun yangi uy-joy qurib berilmoqda.

Mazkur ezgu tashabbusdan ko‘zlangan asosiy maqsad — ijtimoiy ko‘makka muhtoj fuqarolarning yashash sharoitlarini yaxshilash, ularni munosib turmush sharoiti bilan ta’minlash hamda mahalladagi muammolarni amaliy tarzda hal etishdan iborat.

Bugungi kunda hududda yangi uy-joyning qurilish ishlari bosqichma-bosqich amalga oshirilmoqda. Qurilish jarayonining borishi, ishlarning sifati va belgilangan vazifalarning o‘z vaqtida bajarilishi nazoratga olinmoqda.

Deputat A.Sirojiddinov tomonidan mazkur xonadonning qurilishi jarayonida zarur amaliy yordam ko‘rsatilayotgani, bu esa aholining ijtimoiy muammolarini joyida o‘rganish va ularning yechimiga ko‘maklashish borasidagi ishlarning amaliy ifodasi bo‘lmoqda.