25-sonli maktabga oid masalalar muhokama qilinib, mas’ullarga topshiriqlar berildi

Xalq deputatlari Namangan shahar Kengashi raisi R. Isakov, Kengash Kotibiyati mudiri N. Ubaydullayev hamda deputat O. Yusupov ishtirokida 25-sonli umumiy o‘rta ta’lim maktabi ma’muriyati bilan uchrashuv o‘tkazildi.

Uchrashuv davomida maktab faoliyati, o‘quvchilar uchun yaratilgan shart-sharoitlar hamda ta’lim muassasasiga aloqador mavjud masalalar maktab ma’muriyati tomonidan tinglandi va muhokama qilindi. Bildirilgan masalalar yuzasidan tegishli fikr va takliflar almashildi.

Mazkur jarayon Mahalliy Kengash deputati faoliyatining eng muhim yo‘nalishlari bo‘yicha 24 talik tavsiyalar hamda Kengashning 162 ta qonun hujjatini doimiy komissiyalar kesimidagi taqsimoti asosida tashkil etildi. Jumladan, ta’lim muassasalaridagi mavjud sharoitlarni o‘rganish, o‘quvchilar uchun xavfsiz va qulay ta’lim muhitini ta’minlash masalalariga e’tibor qaratildi.

Shuningdek, “Ta’lim to‘g‘risida”gi O‘zbekiston Respublikasi Qonuni, O‘RQ-637-son, 2020-yil 23-sentabr hamda “Pedagogning maqomi to‘g‘risida”gi O‘zbekiston Respublikasi Qonuni, O‘RQ-901-son, 2024-yil 1-fevral talablaridan kelib chiqib, ta’lim jarayonini samarali tashkil etish va ta’lim oluvchilar uchun munosib sharoitlar yaratish masalalari ko‘rib chiqildi.

Muhokama yakunida aniqlangan masalalarni bartaraf etish, maktabdagi mavjud sharoitlarni yaxshilash yuzasidan mas’ullarga aniq topshiriqlar berildi hamda ularning ijrosini nazoratga olish bo‘yicha kelgusidagi vazifalar belgilab olindi.