#Yoshlar_maslahat_guruhi_faoliyati #kotibiyat_xodimi_faoliyati #biriktirilgan_tashkilot #162_ta_Qonun_ijrosi #deputat_faoliyati #Haftalik_ish_reja #nazorat_tahlil

Bolalar musiqa va san’at maktabida Yoshlar maslahat guruhi bilan hamkorlikda deputatlik o‘rganishi o‘tkazildi

Xalq deputatlari tuman Kengashi deputati Q.Igamberdiyeva hamda tuman Kengashi kotibiyati bosh mutaxassisi A.Mamarajabov tuman Kengashi huzuridagi Yoshlar maslahat guruhi a’zolari bilan birgalikda tumandagi Bolalar musiqa va san’at maktabida bo‘lib, deputatga biriktirilgan tashkilot bilan ishlash yo‘nalishidagi faoliyatni muhokama qildilar.

O‘rganish davomida deputatga biriktirilgan tashkilot bilan hamkorlikni yo‘lga qo‘yish, muassasada mavjud masalalarni o‘rganish, yoshlarning musiqa va san’at yo‘nalishlariga bo‘lgan qiziqishini qo‘llab-quvvatlash hamda ular uchun yaratilgan shart-sharoitlarni yaxshilash borasidagi ishlar ko‘rib chiqildi.

Shuningdek, O‘zbekiston Respublikasining “Ta’lim to‘g‘risida”gi Qonuni (O‘RQ-637-son, 2020-yil 23-sentabr) ijrosini o‘rganish maqsadida tayyorlangan maxsus savolnoma asosida muassasada o‘rganish olib borildi.

O‘rganish jarayonida ta’lim jarayonining tashkil etilishi, o‘quvchilarning bilim va ko‘nikmalarini rivojlantirish uchun yaratilgan shart-sharoitlar, ta’lim oluvchilarning bo‘sh vaqtini mazmunli tashkil etish, to‘garaklar faoliyati hamda ta’lim muassasasining moddiy-texnik bazasi bilan bog‘liq masalalarga e’tibor qaratildi.

Yoshlar maslahat guruhi a’zolari bilan hamkorlikda yoshlarning ijodiy qobiliyatlarini rivojlantirish, ularni madaniyat va san’at yo‘nalishlariga keng jalb etish hamda ta’lim jarayonida yoshlar manfaatlarini inobatga olish masalalari yuzasidan fikr almashildi.

O‘rganish yakunlari bo‘yicha aniqlangan masalalar yuzasidan tegishli taklif va tavsiyalar shakllantirilib, ularning ijrosi deputatlik nazorati doirasida kuzatib borilishi belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram