Xalq deputatlari Yunusobod tuman Kengashi deputati Sabura Normetova hamda O‘zXDP Yunusobod tuman Kengashi raisi Muxlisa Qosimova Yunusobod tumanidagi 479-sonli davlat maktabgacha ta’lim tashkilotida bo‘lib, muassasadagi shart-sharoitlar va bolalarga ko‘rsatilayotgan xizmatlar bilan yaqindan tanishdilar.

🔍O‘rganish davomida tarbiyalanuvchilar uchun yaratilgan shart-sharoitlar, ta’lim-tarbiya jarayonining tashkil etilishi, bolalarning xavfsizligi hamda muassasaning sanitariya holati ko‘zdan kechirildi.

🍓Alohida e’tibor tashkilot oshxonasidagi shart-sharoitlar va bolalarning ovqatlanish jarayoniga qaratildi. Jumladan, oshxonaning sanitariya holati, oziq-ovqat mahsulotlarining sifati va saqlanishi, taomlarni tayyorlash jarayoni, bolalarga berilayotgan taomlarning tarkibi hamda ovqatlanish tartibiga rioya etilishi o‘rganildi.

💵Shuningdek, oshxona jihozlari va idish-tovoqlarning tozaligi, xodimlarning sanitariya-gigiyena talablariga rioya etishi, ichimlik suvi hamda umumiy sanitariya sharoitlari ko‘rib chiqildi.

⚖️Mazkur o‘rganish ishlari O‘zbekiston Respublikasining “Maktabgacha ta’lim va tarbiya to‘g‘risida”gi Qonuni, “Aholining sanitariya-epidemiologik osoyishtaligi to‘g‘risida”gi Qonuni hamda “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunida belgilangan vazifalar ijrosi doirasida amalga oshirildi.

📌O‘rganish yakunida aniqlangan masalalar yuzasidan mas’ullarga tegishli tavsiyalar berilib, maktabgacha ta’lim tashkilotida bolalar uchun sog‘lom, xavfsiz va sanitariya talablariga javob beradigan muhitni ta’minlash, shuningdek, sifatli va xavfsiz ovqatlanishni tashkil etish bo‘yicha takliflar bildirildi.