Zanggilambop mahallasida bandlik masalasi hamda tibbiy xizmat holati o'rganildi

Surxondaryo viloyati Kengashi kotibiyati mudiri Sh. Boyqulov tomonidan kunlik ish reja ijrosi doirasida Xalq deputatlari Angor tumani Kengashi kotibiyati mudiri M.Yarmatov hududiga qarashli 22-Zartepa saylov okrugida Zangilambop mahallasida o‘rganish ishlari olib bordi.

O‘rganish davomida mahallada tashkil etilgan tikuvchilik sexi faoliyati bilan yaqindan tanishildi. Mazkur sexda ijtimoiy himoyaga muhtoj oilalarni daromadli mehnatga jalb etish, ularning bandligini ta’minlash hamda oilaviy daromadlarini oshirish maqsadida yangi ish o‘rinlari yaratilgani qayd etildi.

Shuningdek, aholining salomatligini muhofaza qilish, kasalliklarning oldini olish hamda sog‘lom turmush tarzini targ‘ib etish maqsadida ikki mahallaga biriktirilgan patronaj xodim faoliyati o‘rganildi. Suhbat davomida aholiga tibbiy-profilaktik xizmatlar ko‘rsatish, ehtiyojmand fuqarolar holidan muntazam xabar olish va zarur hollarda bepul dori-darmon vositalari bilan ta’minlash borasidagi ishlar muhokama qilindi.

Bunday amaliy ishlar mahallalarda aholi bandligini ta’minlash, ijtimoiy himoyaga muhtoj oilalarni qo‘llab-quvvatlash hamda fuqarolarning salomatligini mustahkamlashga qaratilgan chora-tadbirlarning izchil davom ettirilayotganini ko‘rsatadi.