Xalq deputatlari Chinoz tumani Kengashi raisi A.Turdiboyev tomonidan tuman markazida, xususan, Sh.Rashidov ko‘chasida amalga oshirilayotgan qurilish, bunyodkorlik va obodonlashtirish ishlari o‘rganildi.
🔎 O‘rganish davomida hududda olib borilayotgan kompleks ishlar, jumladan, avtomobil yo‘llarini qurish va ta’mirlash, piyodalar yo‘laklarini barpo etish, vorkaut maydonchasi tashkil etish, yashil hududlarni kengaytirish hamda hududni obodonlashtirish ishlari ko‘zdan kechirildi.
🌳 Shuningdek, ko‘cha hududida obodonlashtirish va ko‘kalamzorlashtirish ishlarini sifatli tashkil etish, aholi va piyodalar uchun qulay hamda xavfsiz muhit yaratish masalalariga alohida e’tibor qaratildi.
🚧 Qurilish ishlarining belgilangan talablar asosida, sifatli va o‘z vaqtida amalga oshirilishi, piyodalar harakati uchun qulayliklarni ta’minlash, yo‘l infratuzilmasini yaxshilash hamda hududning zamonaviy qiyofasini shakllantirish bo‘yicha mas’ullarga tegishli vazifalar belgilab berildi.

📌 Kengash raisi tomonidan hududda amalga oshirilayotgan bunyodkorlik ishlarining sifati va natijadorligi deputatlik nazorati asosida kuzatib borilishi ta’kidlandi.