Xalq deputatlari Oltinsoy tumani Kengashining 4-“Gulobod” saylov okrugidagi deputatlik o‘rni bo‘sh (vakant) bo‘lganligi sababli, mazkur hududda aholi murojaatlari va muammolarini o‘rganish maqsadida Xalq deputatlari Oltinsoy tumani Kengashining 12-“Bo‘ston” saylov okrugidan saylangan deputat, Kengash kotibiyati mudiri Musurmon Abduraxmonovich Xujanov hamda Kengash kotibiyati bosh mutaxassisi I.Roziqovlar tomonidan “Gulobod” mahallasida o‘rganish ishlari olib borildi.

O‘rganish davomida “mahalla yettiligi”ning aholi bilan ishlash samaradorligi, fuqarolar murojaatlarini o‘z vaqtida ko‘rib chiqish, xonadonbay ishlash, aholi bandligini ta’minlash, ijtimoiy himoyaga muhtoj oilalarni qo‘llab-quvvatlash, shuningdek, yoshlar va xotin-qizlar bilan manzilli ishlash holatiga alohida e’tibor qaratildi.

Mahalladagi mavjud muammolar xonadonlar kesimida tahliliy o‘rganilib, ularni bartaraf etish yuzasidan mas’ullarga aniq va manzilli topshiriqlar berildi.

Shuningdek, “mahalla yettiligi” a’zolarining o‘zaro hamkorligini kuchaytirish, belgilangan vazifalar ijrosini ta’minlash hamda aholi muammolarini imkon qadar mahallaning o‘zida hal etish bo‘yicha tegishli vazifalar belgilandi.

Asosiy mezon — natija. Har bir xonadon, murojaat va muammo ortida inson taqdiri turganini inobatga olgan holda, aholi bilan ishlash samaradorligini oshirish va aniqlangan masalalarni amaliy hal etish bo‘yicha ishlar davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz