CHORSU MAHALLASIDAGI 16-SONLI MAKTABGACHA TA’LIM TASHKILOTIDA YAKUNIY QURILISH ISHLARI O‘RGANILDI

Xalq deputatlari Namangan shahar Kengashi raisi R. Isakov, Kengash kotibiyati bosh mutaxassislari A. Nurmatov va M. Abdulmajidov tomonidan Chorsu mahallasi hududida joylashgan 16-sonli maktabgacha ta’lim tashkilotida olib borilayotgan yakuniy qurilish ishlari bilan tanishildi.

O‘rganish davomida mazkur obyektning qurilish jarayoni, yakuniy ishlarning holati, obodonlashtirish ishlari hamda uni foydalanishga topshirishga tayyorgarlik jarayonlari ko‘zdan kechirildi.

Ta’kidlanganidek, O‘zbekiston Respublikasi Prezidentining mamlakatimiz mustaqilligining 35 yilligini munosib nishonlashga qaratilgan vazifalari doirasida ijtimoiy soha obyektlarini o‘z vaqtida va sifatli foydalanishga topshirish muhim ahamiyat kasb etadi.

Shuningdek, O‘zbekiston Respublikasining «Maktabgacha ta’lim va tarbiya to‘g‘risida»gi Qonuni, 2019-yil 16-dekabrdagi O‘RQ-595-son bilan maktabgacha ta’lim va tarbiya sohasidagi munosabatlarning huquqiy asoslari belgilangan.

Shundan kelib chiqib, obyektni Mustaqillik bayramining 35 yilligi arafasida foydalanishga topshirish maqsadida qolgan qurilish, pardozlash va obodonlashtirish ishlarini jadallashtirish, mavjud kamchiliklarni bartaraf etish hamda ishlarning sifatli yakunlanishini ta’minlash yuzasidan mas’ullarga tegishli topshiriqlar berildi.

Xalq deputatlari Namangan shahar Kengashi tomonidan ijtimoiy soha obyektlarida amalga oshirilayotgan ishlarning holatini o‘rganish, aholiga munosib shart-sharoitlar yaratish va belgilangan vazifalar ijrosini ta’minlash borasidagi deputatlik nazorati davom ettiriladi.

🟦🟦🟦🟦🟦🟦