Deputat mektep pedagoglar menen ushırasıw ótkerdi

⚡️ Xalıq deputatları Shımbay rayonlıq Keńesiniń deputatı Q.Xamidullaev Ózbekstan Respublikası Prezidenti Sh.Mirziyoyev tárepinen 1-oktyabr - Muǵallimler hám ustazlar kúni múnásibeti menen bildirilgen usınıs hám baslamalardıń mazmun-mánisin orınlarda úgit-násiyatlaw hám olardıń ámeliy orınlanıwın támiyinlew máseleleri boyınsha mektep pedagoglar jámááti menen ushırasıw ótkerdi.

Ushırasıw dawamında bilimlendiriwdiń sapasın bunnan bılay da arttırıw, oqıtıwshılardıń miynetin múnásip qádirlew, pedagoglar ushın jaratılıp atırǵan imkaniyatlardan nátiyjeli paydalanıw, zamanagóy bilimlendiriw usılların keńnen engiziw hám oqıwshılardıń bilim alıwǵa bolǵan qızıǵıwshılıǵın arttırıw máselelerine ayrıqsha itibar qaratıldı.

Deputat mekteptegi sharayatlar, muǵallimlerdiń jumısı, bilimlendiriw procesinde ushırasıp atırǵan mashqalalar hám olardı saplastırıw boyınsha pedagoglardıń pikir-usınısların tıńladı. Sonday-aq, muǵallimlerdiń usınıs hám baslamaların qollap-quwatlaw, bilimlendiriw mákemesiniń materiallıq-texnikalıq bazasın bekkemlew hám mektepte salamat hám zamanagóy bilimlendiriw ortalıǵın jaratıw boyınsha pikir alısıldı.

Ushırasıw juwmaǵında deputat bilimlendiriwdiń sapasın jaqsılaw, pedagoglardıń miynet etiwi ushın qolaylı sharayatlardı támiyinlew, anıqlanǵan mashqalalardı tiyisli shólkemler menen birgelikte sheshiw hám muǵallimlerdiń tiykarlanǵan usınısların juwapker shólkemlerge jetkeriw boyınsha anıq usınısların bildirdi.