Termiz shahrida mahallalar faoliyatini takomillashtirish, aholi bilan manzilli ishlash va fuqarolar murojaatlariga amaliy yechim topish borasidagi deputatlik nazorati izchil davom etmoqda.

Xalq deputatlari Termiz shahar Kengashi raisi, deputat D.Normuradova, Kengashning 12-“Saxovat” saylov okrugi deputati X.Jurayev hamda kotibiyat bosh mutaxassisi R.Mamashukurov “Tinchlik” mahallasida bo‘lib, mahalla vakillarining faoliyati, xonadonbay ishlash tizimi hamda aholi bilan olib borilayotgan ishlar holatini o‘rgandilar.

Nazorat-tahlil tadbiri Oliy Majlis Senati tomonidan mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari asosida tashkil etildi.

Muloqot davomida:

xonadonbay ishlash va oilalarning muammolarini manzilli o‘rganish;

aholi murojaatlarini o‘z vaqtida ko‘rib chiqish;

mahalla mas’ullari o‘rtasidagi hamkorlikni kuchaytirish;

ijtimoiy masalalarni hal etish;

amalga oshirilayotgan ishlarning samaradorligini oshirish masalalari muhokama qilindi.

Yakunda mahalla vakillariga mavjud kamchiliklarni bartaraf etish, aholi bilan ishlash samaradorligini oshirish hamda belgilangan vazifalarni o‘z vaqtida va sifatli bajarish yuzasidan tegishli tavsiya va ko‘rsatmalar berildi.

Deputatlik nazorati — mahalladagi muammolarni joyida aniqlash va amaliy yechim topishning muhim vositasidir.