Xalq deputatlari Chilonzor tumani Kengashi deputati Ahmedov Shuxrat Murotovich tomonidan “Do‘mbirobod” mahalla fuqarolar yig‘inida Mahalla yettiligi a’zolari, mahallaga biriktirilgan bank xodimi hamda nuroniylar bilan uchrashuv o‘tkazildi.
Uchrashuv davomida Ijtimoiy reyestrda kambag‘al oila sifatida ro‘yxatda turuvchi oilalarni kambag‘allikdan chiqarish borasida amalga oshirilayotgan ishlar atroflicha o‘rganildi.
Shuningdek, oilalarning bandligini ta’minlash, daromad manbalarini oshirish va ularni kambag‘allikdan chiqarish yuzasidan mas’ullarga amaliy taklif, maslahat va tavsiyalar berildi.
📊 Bugungi kunda “Do‘mbirobod” mahallasida 65 ta kambag‘al oila ro‘yxatga olingan:
🟢 4 ta — yashil toifadagi;
🟡 45 ta — kambag‘allik chegarasidagi sariq toifadagi;
🔴 16 ta — davlat ta’minotidagi qizil toifadagi oilalar.
Mahalla yettiligi a’zolari va biriktirilgan vakillar tomonidan har bir oilaning holatidan kelib chiqib, ularni kambag‘allikdan chiqarishga qaratilgan manzilli va tizimli ishlar olib borilmoqda.
🎯 Maqsad — oilalarni faqat moddiy jihatdan qo‘llab-quvvatlash emas, balki ularning barqaror daromad manbasini yaratish va mustaqil hayot kechirish imkoniyatlarini kengaytirish.