Xalq deputatlari Sirdaryo viloyati Kengashining 34-Paxtakor saylov okrugi deputati A.Raxmonov hamda tuman Kengashi raisi R.Tashpulatov Birlashgan mahallasida joylashgan madaniyat saroyi faoliyati bilan yaqindan tanishdilar.
Tashrif davomida madaniyat saroyida aholi, ayniqsa, yoshlarning bo‘sh vaqtini mazmunli tashkil etish, ularning madaniy-ma’rifiy saviyasini oshirish, ijodiy qobiliyatlarini rivojlantirish borasida amalga oshirilayotgan ishlar ko‘zdan kechirildi.
Madaniyat saroyining mavjud shart-sharoitlari, to‘garaklar faoliyati, madaniy tadbirlarni tashkil etish imkoniyatlari hamda aholiga ko‘rsatilayotgan xizmatlar yuzasidan mas’ullar bilan fikr almashildi.
Muloqot davomida madaniyat saroyi faoliyatini yana-da takomillashtirish, uning moddiy-texnik bazasini mustahkamlash va mahalla aholisi uchun yana-da qulay madaniy muhit yaratish bo‘yicha taklif va tavsiyalar bildirildi.
Tashrif yakunida madaniyat va ma’rifat maskanlarining mahalla hayotidagi o‘rnini yana-da kuchaytirish, aholi, xususan, yoshlarni madaniy tadbirlarga keng jalb etish muhim vazifalardan biri ekanligi ta’kidlandi.