Xalq deputatlari Yangiobod tuman Kengashi deputati A. Isroilov 13-sonli umumiy o‘rta ta’lim maktabida bo‘lib, ta’lim muassasasining kuz-qish mavsumiga tayyorgarlik holati bilan yaqindan tanishdi.

Tashrif davomida maktab binosining umumiy holati, isitish tizimi, qozonxona, mavjud yoqilg‘i zaxirasi, sinfxonalar va boshqa o‘quv xonalarining qish mavsumiga tayyorgarligi ko‘zdan kechirildi.

Shuningdek, isitish tizimining sozligi, qozonxonaning mavsum davomida uzluksiz ishlashi, yoqilg‘ining yetarliligi va belgilangan tartibda saqlanishi, texnika xavfsizligi talablariga rioya etilishi masalalariga alohida e’tibor qaratildi.

Maktab rahbariyati va mas’ul xodimlar bilan suhbat davomida sovuq kunlarda o‘quvchilar uchun sinfxonalarda maqbul haroratni ta’minlash, ehtimoliy nosozliklarning oldini olish hamda ta’lim jarayonining uzluksizligini ta’minlash bo‘yicha amalga oshiriladigan ishlar muhokama qilindi.

O‘rganish davomida aniqlangan masalalar yuzasidan ularni bartaraf etish bo‘yicha aniq vazifalar belgilandi. Mas’ullarga mavsumga tayyorgarlik ishlarini o‘z vaqtida yakunlash, mavjud kamchiliklarni bartaraf etish va o‘quvchilar uchun zarur sharoitlarni ta’minlash yuzasidan tegishli tavsiya va topshiriqlar berildi.