Xalq deputatlari Oqoltin tumani Kengashining navbatdagi 34-sessiyasi kun tartibiga kiritilgan masalalarni ko‘rib chiqish maqsadida Kengashning Mahalliy budjet, tadbirkorlikni rivojlantirish va ijtimoiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda tumanning ijtimoiy-iqtisodiy rivojlanishining eng muhim va dolzarb masalalari, jumladan, budjetning daromadlar bazasini oshirish va yangi ish o‘rinlarini barpo etish yuzasidan tuman hokimining birinchi o‘rinbosari M. Xomidjanovning hisoboti eshitildi.

Hisobot davomida tumanning ijtimoiy-iqtisodiy rivojlanish ko‘rsatkichlari, budjet daromadlarini oshirish, tadbirkorlik faoliyatini rivojlantirish, yangi ish o‘rinlarini yaratish hamda aholi bandligini ta’minlash borasida amalga oshirilayotgan ishlar muhokama qilindi.

Shuningdek, mavjud muammolar va ularni bartaraf etish bo‘yicha amalga oshirilishi lozim bo‘lgan chora-tadbirlar yuzasidan deputatlar tomonidan fikr-mulohazalar bildirildi.