Yurtimizda tarixiy-madaniy meros ob’ektlarini asrab-avaylash, ularni ta’mirlash hamda ziyoratchilar uchun munosib sharoitlar yaratish borasida keng koʻlamli ishlar amalga oshirilmoqda.

Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tuman Kengashi raisi Turdiyev Akrom Abdimuratovich, tuman Kengashi kotibiyati mudiri M.Xujanov, Xalq deputatlari tuman Kengashi deputati Yu.Hakimov, Xalq deputatlari Oltinsoy tuman Kengashining 25-“Katta Vaxshivor” saylov okrugidan saylangan deputat Jabbarov Jamshid Adashovich hamda kotibiyat bosh mutaxassislari A.Esanov va I.Roziqovlar “Katta Vaxshivor” mahallasida joylashgan va hududning eng muhim tarixiy-madaniy meros ob’ektlaridan biri hisoblangan “So‘fi Olloyor” ziyoratgohiga tashrif buyurdilar.

Tashrif davomida deputatlar va mas’ullar ziyoratgohda olib borilayotgan keng koʻlamli ta’mirlash, tiklash va obodonlashtirish ishlari bilan yaqindan tanishdilar. Xususan, majmua binosining me’moriy qiyofasini aslicha saqlab qolgan holda restavratsiya qilish, ichki va tashqi hududlarda olib borilayotgan qurilish-pardozlash jarayonlari koʻzdan kechirildi.

Muloqot chogʻida ziyoratchilar va sayyohlar uchun yaratilayotgan qulayliklar, hududni koʻkalamzorlashtirish hamda infratuzilmani yanada yaxshilash boʻyicha mas’ullarga tegishli taklif va tavsiyalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz