Muhtaram Prezidentimizning 2024-yil 2-fevraldagi “Mahalliy davlat hokimiyati organlari faoliyatining samaradorligini oshirish chora-tadbirlari to‘g‘risida”gi PF-28-son Farmoniga muvofiq mahalliy davlat hokimiyati yangi model – “Kuchli Kengash, hisobdor va tashabbuskor hokim” tamoyili asosida isloh qilinmoqda.  

       O‘zaro tiyib turish mexanizmini ishga tushirish uchun Kengash hokimiyatdan ajratilib, bu yildan viloyat Kengashiga hokim emas, balki deputatlar orasidan saylanadigan rais boshchilik qilmoqda.

        O‘zbekiston Respublikasi Vazirlar Mahkamasining 2025-yil 11-yanvardagi 6-F-sonli Farmoyishiga ko‘ra mahalliy Kengashlar binolariga va ularni moddiy-texnika jihatdan jihozlashga doir minimal talablar ishlab chiqilib, ijroga qaratildi.

         Shu munosabat bilan xalq deputatlari Sirdaryo viloyati Kengashi yangi binoga joylashtirildi. Saylovchilar uchun juda qulay joylashgan zamonaviy binoda xalq deputatlari Sirdaryo viloyati Kengashi raisi hamda kengash kotibiyati mudiri, bosh mutaxassislar uchun alohida xonalar mavjud bo‘lib, doimiy komissiya faoliyati uchun zarur shart-sharoitlar yaratib berilgan.