Xalq deputatlari Parkent tuman Kengashiga 9-“Qo‘rg‘on” saylov okrugidan saylangan deputat, doimiy komissiya raisi To‘ychiyev Naimjon Yusupovich tomonidan okrug hududidagi “Samsarak” MFYda kam ta’minlangan oilalarga ijtimoiy nafaqalar va moddiy yordam tayinlash hamda to‘lash holati joyiga chiqib o‘rganildi.
📊 “Samsarak” MFYda jami 2 648 nafar aholi istiqomat qiladi. Hozirgi kunda mahallada 43 ta xo‘jalik kam ta’minlangan oilalar reyestriga kiritilgan.
🗣 O‘rganish davomida mahalla yettiligi tomonidan PF-193-son Prezident Farmoni bilan tanishilganligi hamda Farmonda belgilangan vazifalar ijrosini ta’minlash maqsadida mahalla yettiligi, nuroniylar va mahalla otinoyisi ishtirokida ishchi guruh tuzilganligi aniqlandi.
🗣 Ijtimoiy himoya yo‘nalishida 60 mln so‘m mablag‘ ajratilgan. Bugungi kunga qadar ushbu mablag‘ning 30 mln so‘mi o‘zlashtirilgan.
🗣 Amalga oshirilgan ishlar natijasida:
·         40 ta barqaror ish o‘rni yaratildi;
·         25 ta kam ta’minlangan xo‘jalik tegishli ro‘yxatdan chiqarildi;
·        yoshlarni ish bilan ta’minlash maqsadida subsidiya va imtiyozli kreditlardan foydalanish orqali 18 nafar yosh o‘zini o‘zi band qildi.
🗣 Mahallada kam ta’minlangan oilalarni qo‘llab-quvvatlash, ularning daromadlarini oshirish, bandligini ta’minlash hamda doimiy daromad manbalarini yaratish borasidagi ishlar izchil davom ettirilmoqda.
Asosiy maqsad — kam ta’minlangan oilalarni ijtimoiy qo‘llab-quvvatlash bilan birga, ularning bandligini ta’minlash va barqaror daromad manbalarini yaratish orqali oilalarni ehtiyojmandlikdan chiqarishdir.