Xalq deputatlari Yunusobod tuman Kengashi deputati, tuman hokimi A. Saidaliyev tomonidan “Otchopar-1” mahallasida joylashgan gofrirovka qilingan qog‘oz va karton mahsulotlari ishlab chiqaruvchi “PREMIUM FLEX” korxonasi faoliyati o‘rganildi.

📌O‘rganish davomida korxonadagi ishlab chiqarish jarayonlari, mavjud texnologik quvvatlardan samarali foydalanish, mahsulot ishlab chiqarish hajmini oshirish hamda ishchi-xodimlar uchun yaratilgan sharoitlar ko‘rib chiqildi.

🤝Shuningdek, korxona rahbariyati bilan ochiq muloqot o‘tkazilib, yangi ish o‘rinlarini yaratish, aholi bandligini ta’minlash, fuqarolarni daromadli mehnatga jalb etish va kambag‘allikdan chiqarish bo‘yicha mavjud imkoniyatlar muhokama qilindi.

⚖️Qonunchilik asosida: O‘zbekiston Respublikasi Konstitutsiyasining 43-moddasida davlat fuqarolarning bandligini ta’minlash, ularni ishsizlikdan himoya qilish va kambag‘allikni qisqartirish choralarini ko‘rishi belgilangan. Shuningdek, «Aholi bandligi to‘g‘risida»gi Qonun aholi bandligini ta’minlash va ishga joylashtirish bilan bog‘liq munosabatlarni tartibga soladi.

📈Asosiy e’tibor mahallalarda yashovchi ishsiz fuqarolar uchun yangi ish o‘rinlarini yaratish, ularning kasbiy ko‘nikmalarini rivojlantirish, barqaror daromad manbalarini shakllantirish hamda tadbirkorlik imkoniyatlarini kengaytirish orqali kambag‘allikni qisqartirish yo‘llariga qaratildi.

🇺🇿Xalq deputatlari Yunusobod tuman Kengashi tomonidan qonunlar ijrosi, aholi bandligini ta’minlash va kambag‘allikni qisqartirishga qaratilgan amaliy ishlar izchil davom ettiriladi.

Bizni kuzatishda davom eting!