Xalq deputatlari Chilonzor tumani Kengashi deputati Isxakov Doniyor Mahmudovich tomonidan «Eng muhim 24 ta yo‘nalish»ning 11-bandi doirasida, 178-sonli umumta’lim maktabida 2026–2027-yil kuz-qish mavsumiga tayyorgarlik doirasida isitish tizimining holati o‘rganildi.

O‘rganish davomida maktabning issiqlik ta’minoti tizimi, issiqlik quvurlari, quvur liniyalarining issiqlik izolyatsiyasi, armatura va yopish-boshqarish moslamalari hamda issiqlik uzatish jarayonining texnik holati ko‘zdan kechirildi.

Shuningdek, issiqlik quvurlarida qo‘llanilgan izolyatsiya materiallarining holati, quvurlarning texnik sozligi va isitish tizimining kuz-qish mavsumida barqaror ishlashini ta’minlash masalalariga e’tibor qaratildi.

O‘rganish jarayonida aniqlangan texnik kamchiliklarni bartaraf etish, issiqlik tarmog‘ini ta’mirlash va izolyatsiya holatini yaxshilash bo‘yicha mas’ullar bilan fikr almashildi.

Asosiy maqsad — maktabda o‘quvchilar va pedagoglar uchun qulay harorat sharoitlarini yaratish hamda isitish tizimining xavfsiz va samarali ishlashini ta’minlash.