#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️KENGASH FAOLIYATI TAHLIL QILINDI: DEPUTATLIK NAZORATI VA IJRO INTIZOMI — E’TIBORDA

🏛 Xalq deputatlari Toshkent shahar Kengashi Raisining 2026-yil 13-maydagi 29-14-0-F/26-sonli farmoyishi ijrosi doirasida Uchtepa tumani Kengashi faoliyati yuzasidan tahliliy yig‘ilish o‘tkazildi. Yig‘ilishda Xalq deputatlari Toshkent shahar Kengashi kotibiyati mudiri, deputat Davronbek Ravshanbekov, Toshkent shahar Kengashi deputati Muxtor Ilhomov, Uchtepa tumani Kengashi raisi, deputatlar hamda Kengash kotibiyati xodimlari ishtirok etdi.

📝 Muloqot davomida tuman Kengashi va kotibiyatining amaldagi faoliyati atroflicha tahlil qilinib, deputatlarning saylov okruglaridagi ishlari, sessiyalar va doimiy komissiyalar faoliyatini tashkil etish, deputatlik so‘rovlari, fuqarolar murojaatlari bilan ishlash hamda qabul qilingan qarorlar ijrosini ta’minlash holatiga alohida e’tibor qaratildi.

🔎 Davronbek Ravshanbekov tomonidan Kengash faoliyatida ijro intizomini mustahkamlash, hujjatlarni belgilangan tartibda yuritish, sessiyalar kun tartibini puxta shakllantirish, qaror loyihalarini sifatli tayyorlash va qabul qilingan qarorlar ijrosini tizimli nazorat qilish masalalari yuzasidan tegishli tavsiyalar berildi.

📁 Shuningdek, deputatlar faoliyatining eng muhim 24 ta tavsiyaviy yo‘nalishi doirasida saylov okruglarida olib borilayotgan ishlar muhokama qilindi. Xususan, “Ko‘chama-ko‘cha deputatlik daftarlari”ni yuritish, hududlardagi muammolarni bevosita joyiga chiqib o‘rganish, saylovchilar murojaatlarini manzilli ko‘rib chiqish va deputatlik nazoratining amaliy natijadorligini oshirish masalalari tahlil qilindi.

🗣 Toshkent shahar Kengashi deputati Muxtor Ilhomov bilan birgalikda deputatlarning aholi bilan bevosita muloqotini kuchaytirish, saylov okruglaridagi mavjud masalalarni o‘z vaqtida aniqlash hamda ularni tegishli tashkilotlar bilan hamkorlikda ko‘rib chiqish bo‘yicha fikr almashildi.

⚙️ Tahliliy yig‘ilishda doimiy komissiyalar faoliyatini yanada tizimli tashkil etish, deputatlik so‘rovlarining natijadorligini oshirish, fuqarolar murojaatlari ijrosini nazorat qilish hamda kotibiyat faoliyatida ish yuritish va ijro intizomiga qat’iy rioya etish zarurligi qayd etildi.

💡 Yig‘ilish yakunida Kengash faoliyatini yanada takomillashtirish, deputatlar faolligini oshirish, doimiy komissiyalar ishini kuchaytirish, saylovchilar bilan muloqotni tizimli davom ettirish hamda deputatlik nazoratining amaliy samaradorligini oshirish yuzasidan tegishli vazifalar belgilab olindi.

📱 Telegram 📱 Instagram 📱 Facebook 📱 YouTube 🔎 E-kengash