Асосий мақсад — ҳар бир хонадон учун барқарор даромад манбаини яратиш
Янгиқўрғон туманида камбағалликни қисқартириш, аҳоли даромадларини ошириш ҳамда ҳар бир хонадоннинг мавжуд имкониятларидан самарали фойдаланишга қаратилган амалий ишлар изчил давом этмоқда.
Бугун туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович «Мўғул» маҳалласида хонадонбай ўрганиш ишларини олиб борди.
Асадулла Нажмиддинов бошчилигидаги ишчи гуруҳ М. Абдураҳмонова, Г. Абдуғаниева ва М. Худойқуловаларнинг хонадонларида бўлиб, оила аъзолари билан самимий мулоқот қилди.
Суҳбатлар давомида оилаларни қийнаётган муаммолар, уларнинг ижтимоий-иқтисодий ҳолати ва бандлигини таъминлаш имкониятлари атрофлича ўрганилди. Муаммоларни ҳал этиш бўйича амалий чоралар белгилаш, шунингдек, ҳар бир оила учун муносиб ва доимий даромад манбаини шакллантириш масалалари муҳокама қилинди.
Бунда хонадонларнинг меҳнат салоҳияти, томорқа ерлари, касб-ҳунари, тажрибаси ҳамда тадбиркорликка бўлган қизиқишидан самарали фойдаланишга алоҳида эътибор қаратилди.
Асосий мақсад — эҳтиёжманд оилаларни фақат моддий қўллаб-қувватлаш билан чекланиб қолмасдан, уларнинг ўз имкониятлари асосида барқарор даромад топишига шароит яратиш ва камбағалликдан чиқиши учун манзилли амалий ечимларни белгилашдан иборат.
🇺🇿 Халқ депутатлари Янгиқўрғон тумани Кенгаши матбуот хизмати.

📱Телеграм  📱Facebook|📱 instagram| 📱 Youtube