Бугун туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович ўзи сайланган округ ҳудудидаги «Юксалиш» маҳалласида бўлди.
Ўрганиш давомида камбағалликни қисқартириш, аҳоли бандлигини таъминлаш ва ҳар бир оила учун барқарор даромад манбаини яратиш бўйича амалга оширилаётган ишлар таҳлил қилинди.
Водий массивида жойлашган кўп қаватли уйлар ҳудудида истиқомат қилувчи аҳолининг ижтимоий-иқтисодий ҳолати, мавжуд муаммолари ҳамда уларни ҳал этиш имкониятларига алоҳида эътибор қаратилди.
Шунингдек, аҳоли учун қулай ва обод муҳит яратиш мақсадида давлат дастури доирасида олиб борилаётган бунёдкорлик ишлари кўздан кечирилди. Жумладан, Президентнинг 2026 йил 2 февралдаги ПҚ–48-сон қарорига мувофиқ, кўп қаватли уйлар атрофидаги 2 500 квадрат метр майдонда йўлакларни бетонлаштириш ишлари амалга оширилмоқда.
Ўрганиш якунида масъулларга ободонлаштириш ишларини сифатли ташкил этиш, аҳоли учун муносиб шарт-шароитларни янада яхшилаш, камбағал оилалар билан манзилли ишлаш ҳамда уларнинг даромадини оширишга қаратилган амалий чораларни кучайтириш бўйича тегишли топшириқлар берилди.
🇺🇿 Халқ депутатлари Янгиқўрғон тумани Кенгаши матбуот хизмати.

📱Телеграм 📱Facebook|📱 instagram| 📱 Youtube

Slide 1 of 8