Xalq deputatlari Chinoz tumani Kengashiga 24-Eski Toshkent saylov okrugidan saylangan deputat Sobirdjanova Laziza Olimjon qizi tomonidan “Yaxshiniyat” mahallasida fuqarolar bilan uchrashuv o‘tkazildi.
🗣 Uchrashuv davomida fuqarolarning murojaatlari, takliflari va muammolarini o‘rganish maqsadida aholi bilan muloqot qilindi.
🔎 O‘rganish jarayonida fuqarolarning ijtimoiy va maishiy sharoitlari, oilaviy holati, mavjud muammolari, ehtiyojlari hamda kundalik hayotida duch kelayotgan masalalari atroflicha o‘rganildi.
📌 Ayniqsa, ijtimoiy ko‘makka ehtiyoj sezayotgan oilalarni qo‘llab-quvvatlash, bandlikni ta’minlash, infratuzilma va kommunal xizmatlar, obodonlashtirish hamda boshqa dolzarb masalalar yuzasidan bildirilgan murojaat va takliflarga alohida e’tibor qaratildi.
📒 Fuqarolar tomonidan bildirilgan muammo va murojaatlar deputatlik daftariga qayd etilib, ularni tegishli tashkilotlar bilan hamkorlikda hal etish hamda ijrosi yuzasidan deputatlik nazoratini olib borish belgilandi.
🤝 Bunday uchrashuvlar aholi bilan doimiy va bevosita muloqotni yo‘lga qo‘yish, muammolarni joyiga chiqqan holda aniqlash va ularning amaliy yechimiga erishishda muhim ahamiyat kasb etmoqda.