Xalq deputatlari Paxtakor tumani Kengashi deputati B.Misratullayev tomonidan Buyuk ipak yo‘li mahallasi binosida fuqarolar qabuli o‘tkazildi.

Qabul davomida mahalla hududida istiqomat qiluvchi fuqarolar o‘zlarini qiynab kelayotgan masalalar yuzasidan deputatga murojaat qildilar. Jumladan, fuqarolar tomonidan ijtimoiy yordam olish, moddiy ko‘mak ko‘rsatish hamda bandlikni ta’minlash bilan bog‘liq masalalar ko‘tarildi.

Deputat B. Misratullayev har bir murojaatni alohida tinglab, fuqarolarning muammolarini o‘rganib chiqdi. Murojaatlarda ko‘tarilgan masalalarni tegishli tashkilotlar bilan hamkorlikda hal etish, fuqarolarga amaliy ko‘mak ko‘rsatish yuzasidan zarur choralar belgilandi.

Fuqarolar bilan bunday uchrashuv va qabullar ularning murojaatlarini bevosita o‘rganish, mavjud muammolarga yechim topish hamda aholi manfaatlarini himoya qilishda muhim ahamiyat kasb etmoqda.