Xalq deputatlari Parkent tuman Kengashiga 21-“Nevich” saylov okrugidan saylangan deputat Yoqubova Xusnora Abduxamidovna tomonidan “Shanpan” mahalla fuqarolar yig‘inida xotin-qizlar bilan ishlash yo‘nalishida olib borilayotgan faoliyat deputatlik nazorati doirasida o‘rganildi.O‘rganish davomida mahallada xotin-qizlarning muammolarini aniqlash va hal etish, ijtimoiy himoyaga muhtoj ayollarni qo‘llab-quvvatlash, ularning bandligini ta’minlash hamda tadbirkorlikka jalb etish borasida amalga oshirilayotgan ishlar ko‘rib chiqildi.Shuningdek,mahalla xotin-qizlar faoli Topilova Gulzora tomonidan xotin-qizlarning ijtimoiy-siyosiy faolligini oshirish, bandligini ta’minlash, ta’lim va tadbirkorlikka jalb etish borasida amalga oshirilayotgan ishlar yuzasidan ma’lumot berildi.Bandlik va tadbirkorlik yo‘nalishida 20 nafar xotin-qiz ish bilan ta’minlangan,2 nafar xotin-qizga tadbirkorlik faoliyatini yo‘lga qo‘yish uchun jami 50 million so‘m kredit ajratilgan,3 nafar xotin-qiz kasb-hunarga o‘qitilib,ularga sertifikatlar berilgan hamda o‘zini o‘zi band qilishi uchun ko‘mak ko‘rsatilgan.Oilalarniqo‘llab-quvvatlash borasida ajrim yoqasida turgan 5 ta oilaning muammolari o‘rganilgan,mahalla yarashtiruv komissiyasi bilan hamkorlikda olib borilgan ishlar natijasida 3 ta oila yarashtirilgan,qolgan 2 ta oila bilan yarashtirish choralari davom ettirilmoqda.Shuningdek, 1 nafar xotin-qizga imtiyozli kvota asosida oliy ta’lim muassasasiga o‘qishga kirishida amaliy ko‘mak ko‘rsatilgan.Deputat tomonidan xotin-qizlar faoli faoliyatining samaradorligiga alohida e’tibor qaratilib,oilaviy muhitni mustahkamlash, ijtimoiy himoyaga muhtoj xotin-qizlarni qo‘llab-quvvatlash, ularning bandligini ta’minlash, kasb-hunarga o‘rgatish va tadbirkorlik faoliyatiga jalb etish borasida amalga oshirilayotgan ishlar yuzasidan fikr almashildi.O‘rganish yakunida mahallada xotin-qizlar bilan ishlash tizimini yanada kuchaytirish, ularning
ijtimoiy faolligini oshirish, bandligini ta’minlash hamda muammolarini manzilli hal etishga qaratilgan ishlarni izchil davom ettirish bo‘yicha tegishli taklif va tavsiyalar berildi.