Xalq deputatlari Yunusobod tuman Kengashi deputati Sabura Normetova tomonidan «Sobirobod» mahalla fuqarolar yig‘inida aholi bilan uchrashuv o‘tkazildi.

👉Uchrashuv davomida fuqarolarning murojaatlari, takliflari va mahalla hududidagi mavjud muammolar tinglandi. Aholi tomonidan ko‘tarilgan masalalarni qonuniy tartibda o‘rganish, ularni tegishli tashkilotlar bilan hamkorlikda hal etish hamda ijrosi ustidan deputatlik nazoratini olib borish yuzasidan fikr almashildi.

✅Mazkur uchrashuv deputatlik faoliyatining asosiy 24 ta savolnomasi doirasida tashkil etilib, mahalladagi ijtimoiy, kommunal, obodonlashtirish, bandlik, yoshlar, xotin-qizlar va aholi murojaatlari bilan ishlash holati ko‘rib chiqildi.

📝Ushbu jarayon “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun hamda “Mahalliy davlat hokimiyati to‘g‘risida”gi Qonunda belgilangan vazifalar ijrosiga muvofiq amalga oshirildi.

✅ “Sobirobod” mahallasida aholi bilan ochiq muloqotni kuchaytirish, mavjud muammolarni joyida o‘rganish va ularni manzilli hal etish bo‘yicha deputatlik faoliyati davom ettirilmoqda.

Bizni kuzatishda davom eting!