🏛 Kutubxonada yangi “Ma’naviyat burchagi” tashkil etildi
Aholi, ayniqsa, yoshlar o‘rtasida kitobxonlikni keng targ‘ib qilish hamda milliy qadriyatlarni mustahkamlash tuman Kengashi faoliyatining muhim yo‘nalishlaridan biridir.
Shu doirada, Baxmal tumani axborot-kutubxona markazida Xalq deputatlari tuman Kengashi huzuridagi "Maslahat guruhi" a’zosi S.Soatova tashabbusi bilan maxsus “Ma’naviyat burchagi” tashkil etildi.
Ushbu ma’naviyat maskaniga Respublika Ma’naviyat va ma’rifat markazi tomonidan chop etilgan “Buyuklar haqida 100 ta dalil”, “Milliy qadriyatlar atlasi”, “Temurbek” kabi nodir va mazmunli kitoblar joylashtirildi. Shuningdek, burchak ochilishi munosabati bilan yoshlar ishtirokida ajdodlarimiz merosini o‘rganishga bag‘ishlangan davra suhbatlari o‘tkazildi.