Mahalliy Kengash deputati faoliyatining eng muhim yo‘nalishlari bo‘yicha tavsiyalarning 4-bandi — hokim yordamchilari tomonidan amalga oshirilayotgan ishlar samaradorligi, xususan, aholini kambag‘allikdan chiqarish bo‘yicha olib borilayotgan ishlar ijrosini ta’minlash maqsadida, xalq deputatlari Chilonzor tumani Kengashi deputati Isxakov Doniyor Mahmudovich tomonidan Xalqlar do‘stligi mahallasida o‘rganish ishlari olib borildi.
O‘rganish jarayonida mahallada hokim yordamchisi tomonidan aholining bandligini ta’minlash, daromad manbalarini yaratish, tadbirkorlik faoliyatini yo‘lga qo‘yish hamda kambag‘allikdan chiqarish bo‘yicha amalga oshirilayotgan ishlar ko‘rib chiqildi.
Shuningdek, mavjud muammolarni aniqlash, ularni bartaraf etish va aholining ijtimoiy-iqtisodiy holatini yaxshilash yuzasidan tegishli taklif va tavsiyalar berildi.
Mazkur o‘rganishlar mahallada kambag‘allikni qisqartirish, aholi bandligini ta’minlash va hokim yordamchisi faoliyati samaradorligini oshirishga qaratilgan deputatlik nazoratining amaliy ko‘rinishi hisoblanadi.