Xalq deputatlari Toyloq tumani Kengashining 23-Zarafshon saylov okrugi deputati F. Suyarov hamda Samarqand suv yetkazib berish tuman bo‘limi rahbari B. Ahadov tomonidan tasdiqlangan dastur asosida tumandagi Bog‘izag‘on kanalida olib borilayotgan betonlash ishlari o‘rganildi.

✔️O‘rganish davomida kanalning betonlash ishlari yakunlanmagan qismlarida ishlarni davom ettirish yuzasidan amalga oshirilayotgan tayyorgarlik jarayonlari ko‘zdan kechirildi.
Shuningdek, qurilish uchun mas’ul mutaxassislar bilan muloqotda ishlarni loyiha-smeta hujjatlari, amaldagi texnik talablar va belgilangan muddatlarga qat’iy rioya etgan holda, sifatli va puxta amalga oshirish masalalariga alohida e’tibor qaratildi.

✔️O‘rganish yakunida mas’ullarga ishlarni belgilangan talablar asosida sifatli va o‘z muddatida amalga oshirish yuzasidan tegishli tavsiyalar berildi.