Xalq deputatlari Toyloq tuman Kengashi kotibiyati hamda 25-“Yangi Toyloq” saylov okrugi deputati M.Aminova tashabbusi bilan Charog‘bon mahallasining Bunyodkor ko‘chasida obodonlashtirish va yo‘lni yaxshilash ishlari amalga oshirildi.

O‘rganishlar davomida ko‘chadagi yo‘l holati ko‘zdan kechirilib, aholi uchun qulay va xavfsiz harakatlanish sharoitlarini yaratish maqsadida tegishli choralar belgilandi.

Tuman obodonlashtirish bo‘limi bilan hamkorlikda maxsus obodonlashtirish texnikasi jalb etilib, ko‘cha yo‘li tekislandi. Shuningdek, deputat tashabbusi orqali 1 kilometr yo‘lga moslashtirilgan tosh materiallari yetkazib berilib, yo‘lning holati yaxshilandi.

Mazkur amaliy ishlar natijasida Bunyodkor ko‘chasida harakatlanish uchun yanada qulay sharoit yaratilib, mahalla infratuzilmasini yaxshilashga xizmat qilindi.