Xalq deputatlari tuman Kengashi deputati M.Ismoilxo‘jayeva hamda Obod mahallasi ijtimoiy xodimi D.G‘aniyeva tomonidan Obod MFY Xalqobod ko‘chasida istiqomat qiluvchi fuqaroning holidan xabar olindi.

Uchrashuv davomida fuqaroning nogironligi mavjudligi, shuningdek, sog‘lig‘i bilan bog‘liq masalalarda zarur tibbiy ko‘mak olishda ayrim muammolarga duch kelayotgani ma’lum bo‘ldi. Jumladan, fuqaro tomonidan hamshira tomonidan holidan muntazam xabar olinmayotgani, davolanish uchun yo‘llanma (order) hamda vaucher olishda amaliy yordam ko‘rsatish so‘rab murojaat qilindi.

Murojaat deputatlik nazoratiga olinib, fuqaroning muammolarini amaldagi tartibda hal etish yuzasidan tegishli mas’ullarga vazifalar belgilandi.