Umumiy harbiy majburiyat va harbiy xizmat — Vatan himoyasi muqaddas burch

O‘zbekiston Respublikasining “Umumiy harbiy majburiyat va harbiy xizmat to‘g‘risida”gi Qonuni mamlakatimizda fuqarolarning harbiy xizmatni o‘tashi, harbiy majburiyatni bajarishi hamda Qurolli Kuchlar safini shakllantirish bilan bog‘liq munosabatlarning huquqiy asoslarini belgilaydi.

Mazkur qonun harbiy xizmatga tayyorgarlik ko‘rish, fuqarolarni muddatli harbiy xizmatga chaqirish, harbiy xizmatni o‘tash tartibi, harbiy xizmatchilarning huquq va majburiyatlari hamda harbiy xizmatdan bo‘shatish masalalarini tartibga soladi.

Umumiy harbiy majburiyatni bajarish — mamlakatimiz mudofaa qobiliyatini mustahkamlash, tinchlik va osoyishtalikni asrashda muhim ahamiyatga ega.

Yoshlarni vatanparvarlik ruhida tarbiyalash, ularda Vatanga sadoqat, fuqarolik mas’uliyati va harbiy xizmatga hurmat tuyg‘ularini shakllantirish ushbu qonunning mazmun-mohiyatini keng targ‘ib etish bilan chambarchas bog‘liq.

Vatan himoyasi — sharafli burch, yurt tinchligi esa barchamizning umumiy mas’uliyatimizdir!