MAHALLADA AHOLI BILAN ISHLASH SAMARADORLIGI MUHOKAMA QILINDI


Xalq deputatlari Navoiy viloyati Kengashi kotibiyat mudiri J. Hamroyev hamda Xalq deputatlari Navoiy shahar Kengashi kotibiyat mudiri J. Hafizov Navoiy shahridagi Chinor mahallasida mahalla yettiligi a’zolari bilan uchrashdi.

🤝 Uchrashuv davomida mahallada aholi bilan ishlash tizimini yanada takomillashtirish, fuqarolarning murojaatlarini o‘rganish, ularning muammolarini aniqlash va manzilli hal etish masalalariga alohida e’tibor qaratildi.

📌 Shuningdek, mahalla yettiligi a’zolarining o‘zaro hamkorligini kuchaytirish, aholining bandligini ta’minlash, ijtimoiy himoyaga muhtoj fuqarolarni qo‘llab-quvvatlash hamda yoshlar bilan ishlash samaradorligini oshirish yuzasidan fikr almashildi.
📑 Muloqotda O‘zbekiston Respublikasining “Fuqarolarning o‘zini o‘zi boshqarish organlari to‘g‘risida”gi O‘RQ-350-son Qonunida belgilangan vazifalar ijrosiga ham to‘xtalib o‘tildi. Mahalla fuqarolarning kundalik muammolarini hal etish, ularning qonuniy manfaatlarini himoya qilish va jamiyat hayotidagi faolligini oshirishda muhim bo‘g‘in ekani ta’kidlandi.

🔹 Uchrashuv yakunida mahallada amalga oshirilayotgan ishlarni yanada takomillashtirish, aholi bilan ochiq va samimiy muloqotni kuchaytirish hamda mavjud muammolarni o‘z vaqtida bartaraf etish bo‘yicha tegishli tavsiya va takliflar bildirildi.