DOIMIY KOMISSIYALAR MAJLISLARI — DEPUTATLIK NAZORATINING MUHIM SHAKLI

Doimiy komissiyalar majlislari Kengashlar faoliyatining muhim yo‘nalishlaridan biri bo‘lib, hududda amalga oshirilayotgan ishlarni o‘rganish, muhim masalalarni muhokama qilish, mavjud muammolarga yechim topish hamda deputatlik nazoratini amalga oshirishda muhim ahamiyat kasb etadi.

Majlislar davomida tegishli sohalardagi qonunlar, Prezident farmon va qarorlari, Hukumat hujjatlari hamda mahalliy Kengash qarorlarining ijrosi tahlil qilinadi. Shuningdek, mas’ul tashkilotlar va mutasaddilarning axborotlari eshitilib, aniqlangan muammo va kamchiliklarni bartaraf etish yuzasidan takliflar ishlab chiqiladi.

🔹 Doimiy komissiyalar faoliyatida:
— hududdagi ijtimoiy-iqtisodiy masalalar muhokama qilinadi;
— qonunchilik hujjatlari ijrosi o‘rganiladi;
— mas’ul tashkilotlar rahbarlarining hisobot va axborotlari eshitiladi;
— deputatlar tomonidan bildirilgan taklif va mulohazalar ko‘rib chiqiladi;
— aniqlangan kamchiliklarni bartaraf etish bo‘yicha tegishli tavsiyalar beriladi;
— masalalar Kengash sessiyasi kun tartibiga kiritish uchun tayyorlanadi.

Doimiy komissiyalar tomonidan ko‘rib chiqilgan masalalar yuzasidan tegishli xulosalar va tavsiyalar ishlab chiqilib, ularning ijrosi deputatlar tomonidan nazoratga olinadi.

Bunday majlislar aholi manfaatlarini ta’minlash, hududdagi muammolarni tizimli o‘rganish, mas’ul tashkilotlar faoliyati ustidan samarali deputatlik nazoratini yo‘lga qo‘yish hamda mahalliy Kengashlar faoliyatining ochiqligi va samaradorligini oshirishga xizmat qiladi.

Xalq deputatlari Uzun tumani Kengashi kotibiyati matbuot xizmati.

Bizni kuzatishda davom eting