Xalq deputatlari Taxiatosh tumani Kengashiga Oʻzbekiston Ekologik partiyasidan saylangan deputat Aralbaeva Inkar Karlibayevna tomonidan Taxiatosh tumani hokimi o‘rinbosari F.Bekjanovga deputatlik so‘rovi yuborildi.

💬 Deputat so‘rovida Taxiatosh tumani “Jayxun” mahalla fuqarolar yig‘ini hududidagi Namuna va Ustozlar ko‘chalariga tungi yoritqich chiroqlari va tomorqa yerlarini sug‘orish uchun suv yetkazib berish ishlariga zarurat tug‘ilayoiganligini hamda ushbu masala bo‘yicha asoslantirilgan tushuntirish
berish yoki o‘z nuqtai nazarini bayon qilishni so‘radi.

✅ Deputat Aralbaeva Inkar Karlibayevna mazkur so‘rov orqali mahalla aholisi uchun qulay yashash muhitini yaratish, mahallalarda mavjud muammolarga e’tibor qaratish va ularni hal etish jarayonlarini tezlashtirishni maqsad qilgan.

Ma’lumot uchun: “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5- va 8-moddalariga binoan deputatlik so‘roviga javob 10 kun ichida taqdim etilishi lozim. Deputat so‘rovini o‘z vaqtida ko‘rib chiqmaslik yoki noto‘g‘ri ma’lumot berish Ma’muriy javobgarlik to‘g‘risidagi kodeksning 193-moddasiga muvofiq javobgarlikka sabab bo‘ladi.