Xalq farovonligi va xavfsiz muhit — ustuvor vazifa

      O‘zbekiston Respublikasi Prezidentining 2025 yil 3 yanvardagi “2025 yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari to‘g‘risida”gi PQ-1-son qarori ijrosini ta’minlash maqsadida joriy yilning 3 fevral kuni Xalq deputatlari Sho‘rchi tuman Kengashi tashabbusi bilan tadbir o‘tkazildi.

      Tadbirda O‘zXDPdan saylangan tuman Kengashi deputati O‘rol Cho‘tboyev, mahallalarda faoliyat yuritib kelayotgan “Keksalar maslahat guruhi” a’zolari hamda faol nuroniylar ishtirok etdi.

      Yig‘ilishda mahallalarda jinoyatchilik va huquqbuzarliklarning oldini olish, jamoat tartibini saqlash, keksalar tajribasidan samarali foydalanish, yoshlar tarbiyasi masalalari muhokama qilindi.

       Hamkorlik va hamfikrlikda ishlash orqaligina xalq farovonligi va oilalar tinchligini ta’minlay olamiz, — dedi O‘rol Cho‘tboyev.