🔹“O‘zbekiston – 2030” strategiyasining maqsadlari qatoriga barcha fuqarolarning o‘z salohiyatini ro‘yobga chiqarish uchun imkoniyatlar yaratish, sog‘lom va bilimli avlodni tarbiyalash, kuchli iqtisodiyotni shakllantirish hamda adolat, qonun ustuvorligi va xavfsizlikni kafolatlash kiradi. 

🔹2025-yil 26-dekabr kunigi O‘zbekiston Respublikasi Prezidenti Shavkat Mirziyoyevning Oliy Majlisga Murojaatnomasida 2026-yilda mamlakatimizni yanada rivojlantirishga qaratilgan eng muhim vazifalar, ichki va tashqi siyosatga doir ustuvor yo‘nalishlar belgilab berildi hamda 2026 yil “Mahallani rivojlantirish va jamiyatni yuksaltirish yili” deb e’lon qilindi. 

🔹Murojaatnoma 2026-yil uchun ustuvor yo‘nalishlarni aniq belgilab, katta maqsadlar va raqamlar bilan ifodalangan keng qamrovli dasturiy hujjat sifatida qabul qilindi. Mahallalar infratuzilmasini yaxshilash, iqtisodiyotni texnologik modernizatsiya qilish, investitsiya va eksportni oshirish, ichki talabni rag‘batlantirish, kasbiy ta’lim va mehnat bozorini yangi bosqichga olib chiqish, ekologiya va suv resurslarini muhofaza qilish, shuningdek
davlat boshqaruvi hamda sud-huquq tizimini isloh qilish bo‘yicha belgilangan vazifalar mamlakat taraqqiyotida yangi burilish yasashiga ishonch bildirildi. 

🔹“O‘zbekiston - 2030” strategiyasida belgilangan ustuvor vazifalar mazmun-mohiyatini jamoatchilik va aholi o‘rtasida targ‘ib qilish-tushuntirishga
bag‘ishlangan kengaytirilgan davra suhbatida xalq deputatlari Farg‘ona viloyati hamda Uchko‘prik tumani Kengashlari derutatlari, tuman Adliya bo‘limi, Maktab va maktabgacha ta’lim bo‘limi, “Nuroniy” jamg‘armasi tuman bo‘limi rahbar-xodimlari, partiyalar tuman kengashlari raislari ishtirok etdilar. 

🔹Tadbirda viloyat Kengashi deputatlari Sattarxo‘ja Akbarov, Muqimjon Dexqonov, tuman Kengashi deputati Laziz Turanov “O‘zbekiston – 2030” strategiyasini takomillashtirishning mazmun-mohiyati va uning amaliy ahamiyati yuzasidan o‘z fikrlarini bildirdilar. 

🔹Muhokamalar yakunida bildirilgan fikr-mulohazalar hamda takliflarga muvofiq tavsiyalar ishlab chiqilishi belgilandi. 

                                                                                                                                                                        Xalq deputatlari Uchko‘prik tumani Kengashi kotibiyati