Учқудуқда навбатдаги сессия: долзарб масалалар муҳокама қилинди

🟢Халқ депутатлари Учқудуқ тумани Кенгашининг тўққизинчи сессияси бўлиб ўтди. Сессияда аҳоли муаммолари, ҳуқуқбузарликларнинг олдини олиш, спорт ва жисмоний фаолликни ривожлантириш, янги иш ўринлари яратиш, камбағалликни қисқартириш, давлат тили тўғрисидаги қонун ижроси каби муҳим масалалар кўриб чиқилди.

🟢 Шунингдек, Учқудуқ тумани ҳокимининг янги иқтисодий масалалар бўйича биринчи ўринбосари этиб Ҳамраев Суннатилло Жамолиддинович тайинланди.

 Сессия ишида туман Кенгаши депутатлари, тегишли ташкилотлар ва ҳуқуқни муҳофаза қилувчи органлар раҳбарлари, туман ҳокими ўринбосарлари, доимий комиссия раислари ҳамда оммавий ахборот воситалари вакиллари қатнашди.
Кун тартибидаги асосий масалалар:
Аҳоли муаммолари билан ишлаш ҳолати – бу борада Президент Халқ қабулхонаси раҳбари Б.Аҳмедов ахборот берди.

Ҳоким ёрдамчилари фаолияти натижадорлиги – ушбу масала юзасидан ҳам Б.Аҳмедов сўзга чиқди.

Ҳуқуқбузарликларнинг олдини олиш ва жамоат хавфсизлиги – туман ИИБ бошлиғи А.Ражабов ҳисобот берди.

Спорт ва жисмоний фаолликни ривожлантириш – спорт мактаби директори У.Салимов ахборот қилди.

Янги иш ўринлари ва камбағалликни қисқартириш чоралари – бу ҳақда Ҳ.Мирманов ҳисобот берди.

“Давлат тили” ва “Реклама” тўғрисида"ги Қонунлар ижроси – Н.Жонпўлатова маълумот берди.

“Яшил макон” ва кўкаламзорлаштириш ишлари – экологик масалалар бўйича Ш.Баҳронов ахборот берди.

Сессия ишида депутатлар Учқудуқ туман ҳокимининг 2025 йил 28 мартдаги 67-5-76-қ/25 сонли  қарорини тасдиқладилар. Унга кўра, Ҳамраев Суннатилло Жамолиддинович Учқудуқ тумани ҳокимининг молия-иқтисод ва камбағалликни қисқартириш масалалари бўйича биринчи ўринбосари лавозимига тайинланди.
Сессия кун тартибида кўрилган масалалар юзасидан тегишли қарорлар қабул қилинди ва ижрога қаратилди.